सौंदर्याने तिच्या भाळलो मी पार
तिच्यावरची नजर हटेल तर शप्पथ
शाळा सुटली की तिचाच चेहरा
जिथे तिथे डोळ्यासमोर तरायचा
पुन्हा कधी शाळेत जातो असे व्हायचे
शाळेला सुट्टी आली की मन हिरमुसायचे
जोरात पाऊस आला की मुले आनंदाने नाचायची
पण मी मात्र खिन्न,कारण शाळेला सुट्टी मिळायची
असाच एक दिवस...
प्रार्थनेसाठी सगळी मुले मैदानावर
भिजवून गेली साऱ्यांना पावसाची सर
तिच्या केसातून ओघळणारं पाणी
गालावरून घरंगळणारे ते जलथेंब
अहाहा! किती अलौकिक दृश्य होते
माझं मन तेथे चिंबचिंब भिजून गेले होते
त्याच क्षणी तिची नजर माझ्यावर पडली
ती लाजली.. मिश्किल हलकंसं हसली
त्या हसण्यात प्रेमाचा शहारा आला
वाटलं हा क्षण इथेच थिजून जावा
आमची नजर एकमेकांत गुंफून राहावी
आणि पावसाची संततधार चालूच राहावी
शाळा सुटली...
पण तो पाऊस आजही मनात पडतोय
आणि ती...
आजही तशीच डोळ्यात भिजतेय
No comments:
Post a Comment